استبعدت فكرة الأحزاب السياسية

احمد عز يقول لكم
..

اصدقائي الأعزاء إلى قلبي .. يارب تكونوا في أفضل حال .. اليومين دول طقت في دماغي انضم إلى حزب سياسي لكن مش هاقدر اخبي عليكم اني تراجعت عن الفكرة بعد تفكير .. عارفين ليه؟ .. بصراحة افتكرت نجومنا الكبار اللي كانوا بيرفضوا تماماً مبدأ الإنتماء إلى أحزاب أو تنظيمات سياسية معينة وده علشان يكون عندهم الحرية الكاملة في اختياراتهم الفنية .. وبالطبع علشان مفيش حد يطلب منهم الالتزام بتوجه معين في أعمالهم .. يعني اذا افترضنا مثلاً أني انضممت إلى أحد الأحزاب السياسية وأعجبتني شخصية عرضت عليّ في عمل فني وكانت ضد أفكار الحزب ومبادئه وأهدافه فمن المؤكد أني لن استطيع تقديم هذه الشخصية وده بسبب عضويتي بالحزب وبكده هيمنعني انتمائي السياسي من أداء دوري الفني .. علشان كده باقول دلوقت يكفيني اني مواطن مصري يحب بلده ويخاف عليها دون أن أكون صاحب انتماءات أو اتجاهات سياسية بعينها .. تحيا مصر .